Nossas activitads

HELVETIAROCKT – è il post da coordinaziun per musicistas da jazz, pop e rock funcziuna sco plattafurma d’intermediaziun.

HELVETIAROCKT promova activamain giuvnas musicistas da jazz, pop e rock e sustegna ellas en lur carrieras.

HELVETIAROCKT è activa en tut la Svizra, sustegna la diversitad culturala dal pajais e promova il dialog tranter las diversas regiuns linguisticas.

noss motivs

En las spartas musicalas dal jazz, pop e rock èn preschentas paucas dunnas tant en la furmaziun sco sin las tribunas ed en auters contexts professiunals. E sch’ellas èn preschentas, lura surtut sco chantaduras. La quota dad instrumentalistas è tranter 5 e 10 pertschient.

Sco en las domenas tecnicas pon ins discurrer er qua da professiuns betg tipicas per dunnas. Musicistas han perquai da cumbatter cun tut autras cundiziuns ed obstachels sco lur collegas masculins (cumbinaziun da professiun e famiglia, pajas minimalas, cumbat per renconuschientscha etc.)

Quai sa lascha declerar surtut cun la socialisaziun (musicala), cun ils exempels che mancan e cun stereotips socials.


Visibilitad

Fin ussa eri magari difficil e cumplitgà per organisaturas ed organisaturs, bookers e manageras da musica da chattar musicistas svizras.

Tar HELVETIAROCKT sa chattan musicistas cun in clic

Per las instrumentalistas ha il tema da la visibilitad anc tut in’autra problematica: Entant che lur quota en la vita professiunala è da main che 30 pertschient, vegnan ellas percepidas l’emprim tras lur caracteristica specifica. Musicistas vegnan damai percepidas per regla l’emprim sco dunnas e pir suenter sco musicistas professiunalas.

En intervistas vegnan ellas per exempel savens confruntadas cun lur rolla sco dunnas en il business musical e pir lura cun lur ovra musicala. Er ellas lessan dentant vegnir percepidas sco lur collegas masculins sur lur musica e betg sur lur schlattaina.

HELVETIAROCKT sustegna las musicistas svizras per far quest pass or da lur status da minoritad.

Connexiuns

En Svizra datti diversas offertas attractivas per musicistas, dentant n’èn quellas fin ussa betg fitg enconuschentas e betg propi interconnectadas. Sin la pagina d’internet da HELVETIAROCKT chattan ins tut questas offertas cun in clic. Las musicistas pon er far connexiuns e contacts suror ils cunfins linguistics

nach oben


© 2017 HELVETIAROCKT  • Impressum
Wir bedanken uns bei
• UnterstützerInnen
Stay up to date
  • Facebook
  • Twitter
  • Youtube
  • Instagram
  • Newsletter